Fótbolti

Víkingur valtaði yfir Reykjavíkurslaginn og Tindastóll kláraði HK

Hjörtur Leó Guðjónsson skrifar
Tindastóll vann nauman sigur í dag.
Tindastóll vann nauman sigur í dag. Vísir/Hulda Margrét

Alls fóru fram sex leikir í Mjólkurbikar. kvenna í fótbolta í dag. Víkingur R. vann öruggan 5-0 útisigur gegn Fram í Reyjavíkurslag og Tindastóll vann 3-2 sigur gegn HK eftir að hafa farið með þriggja marka forystu inn í hálfleik.

Víkingskonur höfðu mikla yfirburði gegn Fram í fyrri hálfleik, en gestirnir tóku foyrstuna á 24. mínútu. Við það opnuðust allar flóðgáttir og Víkingsstúlkur voru komnar í 4-0 tíu mínútum síðar.

Leikurinn var því svo gott sem búinn þegar flautað var til hálfleiks, en Oddný Sara Helgadóttir bætti fimmta marki liðsins við stuttu fyrir leikslok og niðurstaðan varð 5-0 sigur Víkings.

Þá vann Tindastóll 3-2 sigur þegar liðið fékk HK í heimsókn, en heimakonur fóru með 3-0 forystu inn í hálfleik eftir mörk frá Murielle Tirenan, Hannah Jane Cade og Hugrúnu Pálsdóttur.

Arna Sól Sævarsdóttir og Isabella Eva Aradóttir minnkuðu muninn fyrir gestina, en nær komust þær ekki og 3-2 sigur Stólanna í höfn.

Úrslit dagsins

ÍH 3-2 KÁ

Sindri 4-2 KH

Fram 0-5 Víkingur

Tindastóll 3-2 HK

Völsungur 4-0 Einherji

Álftanes 1-3 Grindavík

Mjólkurbikar kvenna Víkingur Reykjavík Tindastóll Fram HK

Mest lesið


Fleiri fréttir

Sjá meira


×

Mest lesið