Vinsæli MYO Touch nuddbekkurinn frá Gtech kominn aftur

Fyrsta sending af MYO Touch nuddbekknum fékk frábærar móttökur og seldist upp á svipstundu. Nú getum við glatt þá sem hafa verið að bíða eftir nýrri sendingu með því að hún er nú komin aftur í vefverslunina okkar gtech.is. 

MYO Touch nuddbekkur hefur hlotið mjög góða dóma og það þarf ekki að leita lengi að þeim á netinu. Fyrir þá sem ekki þekkja til þá er MYO Touch nuddbekkurinn ætlaður til að nota í heimahúsum eða jafnvel á vinnustað. Það er stofnandi og eigandi framleiðslufyrirtækisins Gtech, verkfræðingurinn Nick Grey, sem er heilinn á bak við MYO Touch nuddbekkinn. Gtech er m.a. framleiðandi þráðlausu ryksuganna sem sífellt fleiri gæludýraeigendur hérlendis vilja alls ekki vera án.

Áðurnefndur Nick Grey er veill í baki og á vanda fyrir bakverkjum og hvað gerir uppfinningamaður þá? Jú, hann sest niður og hannar sinn eigin nuddbekk sem ekki aðeins er til að leggjast á heldur sér bekkurinn um sjálft nuddið líka. Það gefur auga leið að það sparar mikinn tíma að þurfa ekki að leggja af stað út í umferð til að fara í nudd, auk þess sem hver nuddtími kostar að sjálfsögðu sitt.

Það eru ótalmargir sem eiga við bakverki og ýmis eymsli í líkamanum sem hafa verulegt gagn af MYO Touch nuddbekknum.

MYO Touch nuddbekkurinn er úr léttri álgrind með þægilegu og sterku strigaáklæði. Undir því er nuddkefli sem gengur fram og til baka á brautum. Á brautunum eru stopparar til að hægt sé að velja ákveðin svæði líkamans, s.s. axlir, mjóbak, rass, læri eða kálfa – eða allan líkamann. Keflið er hannað til að komast að vöðvunum, vinna úr spennu og losa um streitu. Leiðbeiningar um hugleiðslu-, öndunar- og tækniæfingar fylgja. Nuddbekkurinn er auðveldur í uppsetningu, léttur og það fer lítið fyrir honum í geymslu á milli þess sem hann er settur upp.