Körfubolti

Er hægt að toppa þennan trylling í kvöld?

Sindri Sverrisson skrifar
Sjalalalalalala, óóó Tindastóll, syngja Grettismenn.
Sjalalalalalala, óóó Tindastóll, syngja Grettismenn. vísir/Bára

Önnur eins stemning hefur vart myndast á íþróttaviðburði á Íslandi eins og í Síkinu á Sauðárkróki á sunnudag. Grettismenn, stuðningsmenn Tindastóls, fóru þar á kostum eins og alla úrslitakeppnina.

Valur og Tindastóll mætast á Hlíðarenda í kvöld þar sem það ræðst loksins hvaða lið verður Íslandsmeistari karla í körfubolta í ár, eftir hádramatíska rimmu til þessa. 

Stuðningsmenn liðanna hita upp í dag á sportbarnum Ölveri og í Fjósinu á Hlíðarenda og búast má við miklum látum í kvöld.

Stólarnir jöfnuðu einvígið í 2-2 á sunnudaginn í ógleymanlegum leik sem hafði upp á allt að bjóða og áhorfendur áttu ríkan þátt í því. Þannig sköpuðu Grettismenn gríðarlega stemningu fyrir leik eins og meðfylgjandi myndband sýnir.

Klippa: Svona voru Grettismenn síðast

Spurningin er hvort að þessi stemning verði toppuð í kvöld en fólk hefur nánast slegist um miða á leikinn. Mun færri komast að en vilja en Valsmenn gáfu út að 1.000 miðar yrðu seldir til þeirra stuðningsmanna, og seldust þeir miðar upp á klukkutíma á mánudag, en 500 miðar fóru á Krókinn þar sem þeir seldust einnig strax upp í gær.

Í yfirlýsingu frá körfuknattleiksdeild Vals í gær kom reyndar fram að 192 af 1.000 miðum sem seldir voru á Hlíðarenda, til fólks sem sagðist styðja Val, hefðu í rauninni farið til stuðningsmanna Tindastóls. Það ætti því að vera nokkuð jöfn skipting af stuðningsmannahópum liðanna tveggja á leiknum.

Úrslitaleikur Vals og Tindastóls verður í beinni útsendingu á Stöð 2 Sport og verður flautað til leiks klukkan 20:15. Upphitun Kjartans Atla Kjartanssonar og félaga í Subway Körfuboltakvöldi hefst klukkustund fyrr.

Strákarnir í Boltinn lýgur ekki verða jafnframt í beinni útsendingu á X-inu 977 og hita vel upp frá klukkan 16-18. Atli Fannar Bjarkason, Jóhann Alfreð Kristinsson, Hörður Unnsteinsson verða á meðal gesta.

Subway-deildirnar í körfubolta eru á Stöð 2 Sport en upplýsingar um útsendingar má finna hér. Subway-deildin er hluti af Stöð 2 Sport Ísland sem kostar 3.990 krónur á mánuði.

Subway-deild karla Tindastóll Valur

Tengdar fréttir

Skagfirðingar mynduðu röð rúmum tveimur tímum fyrir opnun

Stuðningsmenn Tindastóls voru mættir í röð til þess að ná að festa kaup á miðum á oddaleik Tindastóls og Vals í úrslitum Subway-deildar karla. Stemningin var nokkuð góð, fólk var mætt með hátalara og stytti sér biðina með því að blasta Skagfirskum lögum.

Börn Valsara fyrir ónæði vegna miðasölunnar

Körfuknattleiksdeild Vals hefur sent frá sér tilkynningu varðandi miðasölu á oddaleik Vals og Tindastóls í Subway-deild karla annað kvöld. Þar segir að starfsfólk og stjórnarfólk Vals, og jafnvel börn þess, hafi orðið fyrir ónæði vegna miðasölunnar.

Ferðasaga á Krókinn: Klikkað kvöld meðal kúreka og krókódíla í Síkinu

„Má ég heyra?“ spyrja Úlfur Úlfur og Sverrir Bergmann í nýju stuðningsmannalagi Tindastóls. Og þeir heyrðu svo sannarlega í Skagafirðinum í fjórða leik Stólanna og Valsmanna um Íslandsmeistaratitilinn í körfubolta karla í fyrrakvöld. Leikur sem líður þeim sem á horfðu seint úr minni, hvað þá þeim sem voru á staðnum.

Miðarnir á oddaleikinn ruku út

Þegar er orðið uppselt á oddaleik Vals og Tindastóls í körfubolta karla sem fram fer í Origo-höllinni á Hlíðarenda á miðvikudagskvöld.

Finnur Freyr: Vorum í dauðafæri til að klára þetta

Finnur Freyr Stefánsson, þjálfari Vals, var að vonum svekktur eftir að hans menn töpuðu fyrir Tindastóli, 97-95, í framlengdum leik á Sauðárkróki í kvöld. Með sigri hefðu Valsmenn orðið Íslandsmeistarar.

Mest lesið


Fleiri fréttir

Sjá meira


×

Mest lesið