Þúsundir söfnuðust saman í Osló þvert á tilmæli lögreglu

Tveir létust og 21 særðist í árásinni og lögregla beindi þeim tilmælum til skipuleggjenda í kjölfarið að öllum viðburðum sem voru á dagskrá í gær í tengslum við Hinsegin daga, eða Pride, yrði frestað.

Sagðist hún ekki getað tryggt öryggi þátttakenda.

Þúsundir fóru hins vegar gegn ráðleggingum lögreglu og mættu við ráðhúsið með mótmælaspjöld sem meðal annars sögðu: „Þið getið ekki slaufað okkur“ og „Kynferðislegt frelsi“.

„Mér finnst ég mun öruggari hér en nokkurs staðar annars staðar,“ sagði Marie Sværen, ein viðstaddra, við NRK. „Það er til að sýna að baráttan heldur áfram,“ svaraði Rain Vangen Dalberg, spurð að því hvers vegna hún hefði ákveðið að mæta við ráðhúsið.

Sumir aðgerðasinnar hafa gagnrýnt ákvörðun lögreglu og segja það hlutverk hennar að vernda fólk frá öfgamönnum en ekki láta undan þeim.

Lögregla segir enn ekki ljóst af hverju árásarmaðurinn, Zaniar Matapour, lét til skarar skríða en hann hefur neitað að svara spurningum lögreglu.