Sjáðu glæsimörk úr leik Víkings og ÍA

Logi Tómasson kom markaveislunni af stað á 13. mínútu þegar hann fær boltann á miðjum vallarhelming ÍA, keyrir á vörn gestanna og klobbar Jón Gísla Eyland áður en hann þrumar boltanum niður í fjærhornið framhjá Árna Snæ sem stóð hreyfingarlaus í markinu. Frábærlega gert hjá Loga.

Viktor Örlygur tvöfaldar svo forystu Víkings með glæsilegu marki beint úr aukaspyrnu. Viktor spyrnir boltanum yfir tveggja manna varnarvegg Skagamanna og skrúfar knöttinn niður í nær hornið.

Ingi Þór skoraði tvö mörk fyrir Skagamenn og það síðara á 87. mínútu var afar laglegt. Ingi er þá við enda vítateigs Víkings og neglir boltanum upp í fjærhornið framhjá Þórði Ingasyni í marki Víkings.

Öll mörkin fimm má sjá í spilaranum hér að neðan.