Manchester United kynnir nýjan framherja til leiks

Þessi 23 ára gamli leikmaður lék með Spáni á Evrópumótinu sem nú stendur yfir á Englandi. Garcia mun leika með liðsfélaga sínum hjá spænska liðinu, Ona Batlle, hjá Mancester United.

„Sú staðreynd að jafn stórt félag og Manchester United hafi trú á mér og leggji traust á mínar herðar er draumi líkast. Mér líður strax eins og heima hérna. 

Ég mun leggja mig alla fram inni á vellinum og freista þess að gleðja stuðningsmenn Manchester United með spilamennsku minni. Þá mun ég vonandi skora nokkur mörk líka," sagði Garcia um vistaskipti sín. 

Manchester United hafnaði í fjórða sæti ensku efstu deildarinnar á síðustu leiktíð en María Þórisdóttir leikur með liðinu.