Fótbolti

Brynjólfur og félagar unnu loks sinn fyrsta sigur

Arnar Geir Halldórsson skrifar
Brynjólfur Willumsson.
Brynjólfur Willumsson. Getty

Brynjólfur Willumsson og félagar í Kristiansund unnu í dag sinn fyrsta sigur á tímabilinu í norsku úrvalsdeildinni í fótbolta.

Kristiansund hafði aðeins innbyrt tvö stig í fyrstu fjórtán umferðum deildarinnar en í dag heimsótti liðið HamKam sem er í neðri hluta norsku deildarinnar en með átján stig.

Christoffer Aasbak kom Kristiansund í forystu á lokamínútu fyrri hálfleiks og reyndist það eina mark leiksins.

Brynjólfur hóf leik í fremstu víglínu Kristiansund; fékk gult spjald á 73.mínútu og var svo skipt af velli skömmu fyrir leikslok.

Þrátt fyrir sigurinn er Kristiansund enn ellefu stigum frá öruggu sæti þegar mótið er hálfnað.

Norski boltinn

Mest lesið


Fleiri fréttir

Sjá meira


×

Mest lesið