Mbappé skoraði þrennu í risasigri PSG

Mbappé skoraði fyrsta mark leiksins strax á fyrstu mínútu eftir stoðsendingu frá Lionel Messi áður en Messi sjálfur tvöfaldaði forystu gestanna eftir tæplega hálftíma leik.

Achraf Hakimi skoraði svo þriðja mark PSG á 39. mínútu eftir stoðsendingu frá Neymar, en fjórum mínútum síðar skoraði sá síðarnefndi fjórða mark liðsins og sá til þess að staðan var 0-4 þegar gengið var til búningsherbergja.

Neymar breyttti svo stöðunni í 0-5 eftir stoðsendingu frá Achraf Hakimi á 52. mínútu áður en Jonathan Bamba klóraði í bakkann fyrir heimamenn tveimur mínútum síðar.

Ef einhver var farinn að sjá fyrir sér ótrúlega endurkomu heimamanna þá slökkti Kylian Mbappé fljótt í þeirri veiku von þegar hann endurheimti fimm marka forskot PSG með marki á 66. mínútu áður en hann fullkomnaði þrennu sína þremur mínútum fyrir lok venjulegs leiktíma.

Niðurstaðan því afar sannfærandi 1-7 sigur PSG og liðið er enn með fullt hús stiga eftir þrjá leiki. Ekki nóg með það að liðið sé með fullt hús stiga heldur er PSG búið að skora 17 mörk í þessum þrem leikjum.