LXS þyrlan komst ekki að sækja Birgittu vegna veðurs

Þær Birgitta Líf, Ástrós Trausta, Magnea Björg, Sunneva Einars og Ína María mynda þennan umtalaða vinkonuhóp sem fylgst er með í þáttunum.

Ferðin var vel skipulögð og var fyrir hugað að Birgitta Líf myndi verða sótt á þyrlu norður til að geta verið viðstödd Hlustendaverðlaunin. Ástæðan fyrir því er að tónlistarmaðurinn Hugo var að fara taka á móti verðlaunum fyrir nýliði ársins og er Birgitta umboðsmaður hans.

Veðrið var aftur á móti það slæmt þessa helgi að þyrlan komst ekki á staðinn og tók Birgitta því töluvert inn á sig eins og sást í þættinum.

„Stelpurnar vita ekkert af þessu en ég er búin að vera geðveikt leið og fela þetta fyrir þeim,“ segir Birgitta í fjallinu.

„Ég skipulegg alltaf allt mjög vel og ef eitthvað breytist sem ég stjórna ekki þá á ég mjög erfitt með að fela tilfinningar mínar. Það var meira segja búið að merkja þyrluna með TF LXS, auðvitað.“

Hér að neðan má sjá atriði úr þætti gærkvöldsins sem var sýndur á Stöð 2.