Dagskráin í dag: Meistaradeildin, Besta-deildin og rafíþróttir

Við hefjum daginn á tveimurleikjum í UEFA Youth League, en klukkan 11:50 tekur Juventus á móti Benfica á Stöð 2 Sport 2. Að þeim leik loknum færum við okkur svo yfir til Manchester-borgar þar sem Manchester City tekur á móti Borussia Dortmund.

Þá er einn leikur á dagskrá í Bestu-deild kvenna í dag þegar Þór/KA tekur á móti ÍBV klukkan 16:35 á Stöð 2 Sport. Bestu mörkin eru svo á dagskrá klukkan 21:45 á sömu rás þar sem farið verður yfir allt það helsta úr leikjum umferðarinnar.

Klukkan 16:35 hefst einnig bein útsending frá fyrsta leik dagsins í Meistaradeild Evrópu þegar Shaktar Donetsk tekur á móti Celtic á Stöð 2 Sport 3.

Meistaradeildarveislan hefst svo fyrir alvöru klukkan 18:15 þegar hitað verður upp fyrir leiki kvöldsins á Stöð 2 Sport 2. Beinar útsendingar frá leikjum kvöldsins hefjast allar klukkan 18:50, en á Stöð 2 Sport 2 taka Erling Braut Haaland og félagar hans í Manchester City á móti hans gömlu félögum í Borussia Dortmund. Á Stöð 2 Sport 3 tekur Real Madrid á móti Leipzig og á Stöð 2 Sport 4 fer stjörnuprýtt lið PSG til Ísrael þar sem Maccabi Haifa tekur á móti þeim.

Að öllum þessum leikjum loknum eru Meistaradeildarmörkin á sínum stað á Stöð 2 Sport 2 þar sem öllum þessum leikjum verða gerð góð skil.

Síðast en ekki síst eru stelpurnar í Babe Patrol með seinn vikulega þátt á Stöð 2 eSport klukkan 21:00.