Leiðir Gunnars Heiðars og Vestra skilja

Hann tók við Vestra í vetur eftir að Jón Þór Hauksson hætti sem þjálfari liðsins og samdi við ÍA. Áður var Gunnar Heiðar þjálfari KFS í Vestmannaeyjum.

Í yfirlýsingu frá Vestra, sem Samúel Samúelsson, formaður knattspyrnudeildar félagsins skrifar undir, segir að ákvörðunin hafi verið tekin í sameiningu með Gunnari Heiðari. Sagt er að hann hafi tekið við liðinu á erfiðum tímapunkti og staðið sig vel í störfum sínum.

Vestri er í 8. sæti Lengjudeildarinnar. Gunnar Heiðar stýrir Vestra í síðasta sinn þegar liðið sækir HK heim í lokaumferð Lengjudeildarinnar á laugardaginn.