Þau sóttu um stöðu fram­kvæmda­stjóra Lofts­lags­ráðs

Þetta kemur fram í svari umhverfis-, orku- og loftslagsráðuneytisins við fyrirspurn fréttastofu. Loftslagsráð veitir stjórnvöldum aðhald og ráðgjöf um stefnumarkandi ákvarðanir sem tengjast loftslagsmálum og er sjálfstætt og óháð í störfum sínum. Loftslagsráð ræður í umrædda stöðu. 

Framkvæmdastjóri ráðsins mun hafa yfirumsjón með þróun og rekstri skrifstofu Loftslagsráðs, þar með talið fjárhags- og starfsáætlanagerð, ábyrgð á bókhaldi og ráðstöfun fjármuna. Umsóknarfrestur var til 15. ágúst síðastliðinn.

Í auglýsingunni kom fram að leitað hafi verið að einstaklingi sem hafi áhuga og metnað fyrir loftslagsmálum, búi yfir góðri samskiptahæfni, reynslu af málefnavinnu og innsýn í stefnur og strauma í íslensku samfélagi, atvinnulífi og stjórnsýslu.

Eftirfarandi sóttu um stöðuna:

• Anna Sigurveig Ragnarsdóttir, sérfræðingur í loftslagsmálum
• Arman Ahmadizad, rekstrar- og markaðsfræðingur
• Berglind Sigmarsdóttir, alþjóðaviðskiptafræðingur, MPA
• Bjargey Anna Guðbrandsdóttir, verkefnastjóri
• Dagný Berglind Gísladóttir, verkefnastjóri
• Davíð Stefánsson, sérfræðingur á sviði sjálfbærni og loftslags
• Elva Rakel Jónsdóttir, sviðsstjóri loftslagsmála og hringrásarhagkerfis
• Gerður Ríkharðsdóttir, rekstrarhagfræðingur
• Guðmundur Steingrímsson, umhverfisfræðingur
• Helga Hauksdóttir, lögfræðingur
• Hólmfríður Sigþórsdóttir, líffræðikennari, umhverfis- og auðlindafræðingur
• Ingunn Agnes Kro, stjórnarformaður
• Jón Steindór Valdimarsson, lögfræðingur, MPM
• Kristján Geir Gunnarsson, framkvæmdastjóri
• Kristján Þór Magnússon, fyrrverandi sveitastjóri
• Margrét Rós Sigurjónsdóttir, sérfræðingur
• Nanna Guðrún Hjaltalín, forritari
• Sandra Brá Jóhannsdóttir, viðskiptafræðingur, MBA
• Sigurður Eyberg Jóhannesson, umhverfis- og auðlindafræðingur
• Silja Jóhannesardóttir, verkefnastjóri
• Soffía Björk Guðmundsdóttir, framkvæmdastjóri
• Stefán Örvar Sigmundsson, svæðisstjóri
• Þorgerður M Þorbjarnardóttir, fyrrverandi forseti Ungra umhverfissinna og umhverfis-aktivisti
• Þórdís Hadda Yngvadóttir, viðskiptafræðingur, MBA
• Þórunn Wolfram Pétursdóttir, sviðsstjóri