Kvöld­fréttir Stöðvar 2

Fjallað verður nánar um málið og rætt við afbrotafræðing um stöðuna í kvöldfréttum Stöðvar 2.

Utanríkisráðherra segir árásir Rússa á úkraínskar borgir í morgun skýrt dæmi um að átökin séu að stigmagnast. Við sjáum myndir frá eyðileggingunni í kvöldfréttum, verðum í beinni frá mótmælum við rússneska sendiráðið og ræðum við utanríkisráðherra um málið.

Gæsluvarðhald yfir mönnunum tveimur sem grunaðir eru um að skipuleggja hryðjuverk hér landi var stytt í dag um viku. Þingmenn og verkalýðsforingjar hafa verið kallaðir í skýrslutöku vegna málsins en mennirnir ræddu meðal annars um að myrða Gunnar Smára formann Sóslíalistaflokksins og Sólveigu Önnu formann Eflingar. Við ræðum við þau og þingmann Pírata sem einnig var boðaður í skýrslutöku.

Við kíkjum einnig á miklar framkvæmdir á skíðasvæðinu í Bláfjöllum, kynnum okkur sérstakt mál sem varðar þjófnað á lokum af skyrdollum og skoðum sýningu á útskornum listaverkum í Flóahreppi.

Þetta og margt fleira á samtengdum rásum Bylgjunnar og Stöðvar 2 klukkan 18:30.