Einar Rafn bæði markahæstur og stoðsendingahæstur í deildinni

Óskar Ófeigur Jónsson skrifar 18. október 2022 14:31

Einar Rafn Eiðsson í leik með KA-liðinu á móti Val. Vísir/Diego

KA-maðurinn Einar Rafn Eiðsson hefur farið mikinn það sem af er Olís deild karla í handbolta því hann er bæði markahæstur og stoðsendingahæstur í deildinni eftir fimm umferðir þegar er litið er á meðaltal í leik.

Einar Rafn hefur skorað 8,0 mörk að meðaltali í leik og að auki gefið 5,4 stoðsendingar að meðaltali. Hann er því að koma með beinum hætti að 13,4 mörkum KA-liðsins í hverjum leik.

Forskot Einars er þó ekki mikið því hann hefur skoraði einu marki meira en Eyjamaðurinn Rúnar Kárason sem er með 7,8 mörk að meðaltali.

Einar Rafn hefur gefið einni stoðsendingu minna í heildina en Valsmaðurinn Benedikt Gunnar Óskarsson er sá hefur spilað sex leiki þar sem einn leikur Valsmanna var færður fram vegna Evrópukeppninnar.

Næstur á eftir Einari í stoðsendingum hvað varðar meðaltali er Eyjamaðurinn Elmar Erlingsson sem er með 5,2 stoðsendingar í leik. Benedikt er fjórði með 4,7 stoðsendingar í leik en á undan honum er Eyjamaðurinn Dagur Arnarsson með 4,8 í leik.