Formúla 1

Leclerc tekur út refsingu og heimsmeistarinn ræsir annar

Hjörtur Leó Guðjónsson skrifar
Nýkrýndi heimsmeistarinn Max Verstappen verður í fremstu rásröð þegar farið verður af stað í Texas í kvöld.
Nýkrýndi heimsmeistarinn Max Verstappen verður í fremstu rásröð þegar farið verður af stað í Texas í kvöld. Clive Mason/Getty Images

Ferrari ökumaðurinn Charles Leclerc þarf að taka út refsingu þegar ljósin slokkna í kappakstrinum í Texas í kvöld og nýkrýndi heimsmeistarinn Max Verstappen mun því ræsa í fremstu rásröð ásamt Carlos Sainz á Ferrari.

Sainz átti hraðasta hringinn í gærkvöldi þegar hann kom í mark á tímanum 1:34.356. Liðsfélagi hans hjá Ferrari, Charles Leclerc, var annar, aðeins 0,065 sekúndum hægari og Verstappen þriðji, 0,092 sekúndum hægari en Sainz.

Mónakómaðurinn Charles Leclerc þarf hins vegar að taka út refsingu fyrir að nota of marga vélavarahluti og færist því tíu sætum aftar í rásröðinni. Nýkrýndi heimsmeistarinn Verstappen færist því upp í fremstu rásröð og ræsir við hlið Carlos Sainz.

Leclerc er ekki sá eini sem tekur úr refsingu því Sergio Perez, liðsfélagi Verstappen hjá Red Bull, gerir það einnig og færist fimm sætum aftar. Það þýðir að þeir Lewis Hamilton og George Russell hjá Mercedes færast báðir upp í aðra rásröð.

Akstursíþróttir

Mest lesið


Fleiri fréttir

Sjá meira


×

Mest lesið