Út­skýrir hvers vegna af­sökunar­beiðnin fór á samfélagsmiðla

Colapinto gerði mistök í kappakstrinum í Aserbaísjan þar sem hann klessti á liðsfélaga sinn Pierre Gasly og Lando Norris og þurftu allir þrír ökumennirnir að hætta keppni. Norris var harðorður eftir keppni og sagði að Colapinto ætti að fá stóra og mikla refsingu.

Colapinto mun fá fimm sæta refsingu í Bahrein-kappakstrinum um helgina en eftir kappaksturinn síðustu helgi vildi Norris fá grófari refsingu. Norris sá þó við sér og bað Colapinto afsökunar eftir keppnina persónulega. Hann birti þó einnig mynd á hringrás sinni á Instagram þar sem hann bað aftur afsökunar.

Ástæðan fyrir því var vegna mikillar umræðu um ummæli Norris á samfélagsmiðlum en eftir keppnina sá Norris við sér og þurfti að sýna almenningi að hann hafi beðið afsökunar.

„Víst að ég sagði ljóta hluti um Colapinto í sjónvarpinu sem fór til almennings fannst mér réttast að biðjast afsökunar fyrir framan almenning einnig. Ég hafði rangt fyrir mér. Ég reyni að gera það sama þegar ég keyri og það er að viðurkenna mistök,“ sagði Lando Norris á blaðamannafundi fyrir kappaksturinn í Bahrein.

Kappaksturinn í Bahrein verður þó ekki haldinn í Bahrein í ár en hann átti upprunalega að fara fram fyrr á árinu. Honum var frestað vegna stríðsátaka í löndunum í kring og Formúla 1 vildi ekki missa kappaksturinn úr dagatalinu. Lausnin var því að færa kappaksturinn og fer hann núna fram í borginni Sepang í Malasíu,