Íslenski boltinn

Ísak gæti orðið efnilegastur og bestur

Sindri Sverrisson skrifar
Ísak Snær Þorvaldsson og Dagur Dan Þórhallsson eru tilnefndir sem besti leikmaður tímabilsins og Ísak er einnig tilnefndur sem sá efnilegasti.
Ísak Snær Þorvaldsson og Dagur Dan Þórhallsson eru tilnefndir sem besti leikmaður tímabilsins og Ísak er einnig tilnefndur sem sá efnilegasti. VÍSIR/VILHELM

Eftir að lokaumferðinni í Bestu deild karla lýkur á morgun verður tilkynnt hvaða leikmenn urðu fyrir valinu sem besti og efnilegasti leikmaður deildarinnar í ár.

Íslenskur toppfótbolti fer þá leið í ár að tilkynna hvaða fimm leikmenn eru tilkynntir í hvorum flokki. Það er því ljóst að sá besti í ár kemur úr röðum Breiðabliks (fjórir Blikar eru tilnefndir) eða KA, og að sá efnilegasti í ár er leikmaður Víkings (þrír Víkingar eru tilnefndir), Breiðabliks eða Stjörnunnar.

Eftir sem áður eru það leikmennirnir sjálfir í deildinni sem sjá um að kjósa og þeir sem tilnefndir eru urðu því efstir í því kjöri.

Ísak Snær Þorvaldsson, sem Rosenborg hefur nú fest kaup á, er tilnefndur sem bæði besti og efnilegasti leikmaður deildarinnar en hann er 21 árs gamall.

Lokaumferðin verður öll leikin klukkan 13 á morgun svo að það ætti að verða ljóst um klukkan 15 hverjir urðu fyrir valinu. Hér eru tilnefningarnar.

Besti leikmaður Bestu deildar karla:

  • Dagur Dan Þórhallsson, Breiðabliki
  • Höskuldur Gunnlaugsson, Breiðabliki
  • Ísak Snær Þorvaldsson, Breiðabliki
  • Jason Daði Svanþórsson, Breiðabliki
  • Nökkvi Þeyr Þórisson, KA

Efnilegasti leikmaður Bestu deildar karla:

  • Ari Sigurpálsson, Víkingi
  • Danjiel Dejan Djuric, Víkingi
  • Ísak Andri Sigurgeirsson, Stjörnunni
  • Ísak Snær Þorvaldsson, Breiðabliki
  • Kristall Máni Ingason, Víkingi

Stúkan mun bjóða upp á sérstaka Red Zone útgáfu á morgun en þá verður fylgst með öllum leikjunum í beinni og skipti á milli valla þar sem hlutirnir eru að gerast. Útsendingin hefst klukkan 12.30 á Stöð 2 Sport og klárast ekki fyrr en eftir leikina.

Um kvöldið mun Stúkan síðan gera upp allt mótið í lokaþætti sínum sem hefst klukkan 20.00.

Besta deildin er á Stöð 2 Sport. Smelltu hér til að horfa á leiki og þætti. Besta deildin er hluti af Stöð 2 Sport Ísland sem kostar 4.990 kr. á mánuði og má kaupa hér.

Besta deild karla Breiðablik Víkingur Reykjavík KA Stjarnan Fótbolti

Mest lesið


Fleiri fréttir

Sjá meira


×

Mest lesið