Ekkert ryk, ekkert slit og nagla­dekkin ekki vanda­mál

LAKRO gegndreypiefnið hefur verið notað á Íslandi frá því um aldamótin síðustu og það má með sanni segja að LAKRO hafi slegið rækilega í gegn á þeim árum sem það hefur verið á íslenskum markaði. Efnið er ætlað til að rykbinda, þétta og styrkja gólf á iðnaðarhúsum og bílastæðum með því að bindast steypunni. Þannig styrkist yfirborð gólfsins og nær hörku á við stál. Efnið byggir á sílikötum og er algjörlega án allra eiturefna eða efna sem skaða umhverfi og náttúru. Efnið er CE merkt og því viðurkennt í Evrópu.

Munurinn á gegndreypiefni og yfirborðsefnum eins og t.d. málningu er sá að yfirborðsefni flagna eða eyðast með tímanum en gegndreypiefnið helst í gólfinu og endist líftíma steypunnar. Gegndreypiefnið fer inn í gólfið og verður hluti af yfirborðinu svo gólfið verður viðhaldsfrítt um aldur og æfi og sterkara með tímanum.  Gólfið verður sterkt sem stál og þolir alla almenna notkun og þegar fullri hörku er náð verða nagladekk ekkert vandamál. Að auki verður gólfið algjörlega rykfrítt þar sem ekkert kvarnast upp úr því.

Hvernig virkar LAKRO?

Þegar vatn kemst í samband við sement myndast kalsíum-sílikat-hýdrat gel. Þetta er helsti hluti styrksins í steypunni. Sem aukaafurð af þessum samruna er kalsíum-hydróxíð. Það er mun mýkra og verður u.þ.b. 15% af steypunni og gerir lítið fyrir styrk hennar. Lakro sem er byggt af sílikötum gengur í samband við þetta kalasíum hydróxíð og mynda kalsíum-sílikat-hýdroxið. Þetta samband gjörbreytir eiginleikunum og gerir það að verkum að steypan verður miklu þéttari, harðari og endingarbetri.

Fleiri og fleiri nýta sér efnið

Ef þú ákveður að láta Lakro gegndreypiefni á gólfið hjá þér þá ertu komin í hóp með aðilum eins og: Húsasmiðjunni, Byko, Samskipum, Flugleiðum, Síldarvinnslunni á Neskaupsstað, Sigurplasti, Leifsstöð, Vélsmiðjunni Norma, Sindrastáli, Agli Skallagrímssyni, Íslandspósti, Landvirkjun, Atlantsskipum, TVG Ziemsen, Á Guðmundssyni húsgagnagerð, Bílastæði í Mánatúni, Gullsmára, Boðaþingi og í Skugga.

Bananar hf., John Lindsay, Inness og Garri ásamt nýju viðhaldsskýli Icelandair á Keflavíkurflugvelli eru allt aðilar með Lakro á sínum gólfum. 

Meðal síðari verkefna má nefna gólf Köfunarþjónustunnar í Hafnarfirði og Bílastæðahús fyrir Eik fasteignafélag í Borgartúni og Suðurlandsbraut. Bílastæðahús Búmanna og í þessum töluðum orðum er verið að meðhöndla Kvikmyndaverið í Gufunesi.

Ný hús Hs Orku í Hafnarfirði, Aðfanga í Sundahöfn, Húsasmiðjunnar á Akureyri og BYKO í Hafnarfirði eru öll með Harka Glans meðhöndlunarkerfinu þar sem LAKRO efnið er hluti af.