Fótbolti

Hákon Arnar eftir markið gegn Dort­mund: Snýst um liðið en það er gaman að vera valinn maður leiksins

Smári Jökull Jónsson skrifar
Hákon Arnar var vitaskuld sáttur að hafa skorað sitt fyrsta mark í Meistaradeildinni í kvöld.
Hákon Arnar var vitaskuld sáttur að hafa skorað sitt fyrsta mark í Meistaradeildinni í kvöld. Vísir/Skjáskot

Hákon Arnar Haraldsson skoraði sitt fyrsta mark í Meistaradeildinni þegar hann tryggði liði sínu FCK stig gegn Dortmund en liðin mættust í Kaupmannahöfn í kvöld.

Hákon Arnar var í byrjunarliði FCK í kvöld og jafnaði leikinn með marki sínu á 41.mínútu leiksins. Lokatölur urðu 1-1 og tryggði mark Hákons FCK því annað af tveimur stigum liðsins í riðlakeppninni.

„Þetta er mitt fyrsta mark í Meistaradeildinni sem er stærsta keppnin í heiminum. Það var frábært að skora,“ sagði Hákon Arnar í viðtali eftir leikinn í kvöld. Viðtalið má sjá í heild sinni hér fyrir neðan.

Klippa: Hákon Arnar viðtal

„Ég er ekki búinn að skora á þessu tímabili, þetta er mitt fyrsta mark. Það eykur ánægjuna að skora í kvöld.“

Hákon Arnar var valinn maður leiksins af UEFA en hann var hógværðin uppmáluð í leikslok.

„Þetta snýst um liðið en að sjálfsögðu er ég ánægður að vera valinn maður leiksins. Mér fannst liðið spila vel og þegar liðið spilar vel þá spila ég vel. Þetta er frábært.“

Meistaradeild Evrópu í fótbolta karla

Tengdar fréttir

Sjáðu mark Hákons Arnars gegn Dortmund

Hákon Arnar Haraldssson varð í kvöld fjórði Íslendingurinn til að skora mark í Meistaradeild Evrópu þegar hann jafnaði metin í 1-1 í leik FCK og Dortmund.

Mark Hákons Arnars tryggði FCK stig gegn Dortmund

Hákon Arnar Haraldsson tryggði FCK stig gegn stórliði Borussia Dortmund þegar hann skoraði jöfnunarmark liðsins í leik liðanna í Meistaradeild Evrópu í kvöld. Hákon Arnar var valinn maður leiksins af UEFA fyrir frammistöðu sína.

Mest lesið


Fleiri fréttir

Sjá meira


×

Mest lesið