Reykjavík Edition hótelið fylltist af fögrum fljóðum á föstudagskvöldið, þegar þar fór fram Masterclass á vegum Reykjavík Makeup School og Lancôme. Þar kenndi förðunarfræðingurinn Heiður Ósk gestum glæsilega hátíðarförðun.
Lúxus og glamúr einkenndu þennan vel heppnaða viðburð sem fór fram í Balroom-salnum á einu glæsilegasta hóteli landsins. Þar voru förðunarfræðingar, áhrifavaldar og aðrir áhugasamir samankomnir til þess að læra af Heiði Ósk, annars eiganda Reykjavík Makeup School.
Heiður er ein sú allra færasta þegar kemur að glamúr förðun. Því var vel við hæfi að hún sýndi gestum létta glamúr förðun sem tilvalin er fyrir hátíðirnar. Útkoman var vægast sagt glæsileg og voru gestir ánægðir með kvöldið.
Nýir eigendur Reykjavík Makeup Scool þær, Ingunn Sigurðardóttir og Heiður Óska Eggertsdóttir kunna svo sannarlega að fagna og buðu í glæsilegt opnunarhóf á dögunum í nýju húsnæði skólans.
Heiður Ósk og Ingunn Sig í HI beauty, þáttastjórnendur þáttanna Snyrtiborðið sem sýndir eru á Vísi, eru álitsgjafar í nýjum förðunarþáttum sem fara í sýningu í þessari viku hjá Sjónvarpi Símans.
Nýjasta viðbótin í flóru íslenskra lúxushótela opnar síðar í þessum mánuði þegar The Reykjavík Edition tekur á móti sínum fyrstu gestum. Ítrekaðar tafir hafa orðið á verklokum en upphaflega stóð til að opna nýja fimm stjörnu hótelið við hlið Hörpu árið 2018.
