Sjáðu mergjað mark frá markverði Benfica

Varalið Benfica sótti þá Trofense heim og var 1-0 undir þegar Soares tók til sinna ráða á 65. mínútu.

Hann fékk þá boltann á D-boganum við eigin vítateig, rakti hann aðeins áfram áður en hann tók í gikkinn og sparkaði boltanum í mark Trofense. Miðað við kraftinn í skotinu var Soares að reyna að skora en þetta magnaða mark má sjá hér fyrir neðan.

„Ég sá að markvörðurinn þeirra var einu skrefi of framarlega og við vorum með meðvind þannig ég ákvað að taka áhættu. Þetta gekk vel og verður greypt í minni margra,“ sagði Soares eftir leikinn sem Benfica vann, 1-2.

Soares, sem er tvítugur, hefur leikið fyrir öll yngri landslið Portúgals. Hann var í liði Benfica sem vann Meistaradeild Evrópu ungmenna á síðasta tímabili.