Norðmaðurinn sá um Úlfana

Gestirnir í Arsenal voru sterkari aðilinn í kvöld, en þrátt fyrir það tókst liðinu ekki að brjóta ísinn í fyrri hálfleik og staðan því enn markalaus þegar liðin gengu til búningsherbergja.

Martin Ødegaard kom gestunum þó yfir snemma í síðari hálfleik eftir stoðsendingu frá Fabio Vieira og Skytturnar gátu andað léttar.

Sá norski var svo aftur á ferðinni þegar um stundarfjórðugur var til leiksloka, en boltinn datt þá fyrir hann eftir fína vörslu Jose Sá í marki Úlfanna.

Niðurstaðan því nokkuð öruggur 0-2 sigur Arsenal sem nú er með fimm stiga forskot á toppnum eftir að Englandsmeistarar Manchester City þurftu að sætta sig við óvænt 1-2 tap gegn Brentford fyrr í dag.

Arsenal með 37 stig eftir 14 leiki, en Úlfarnir enn á botni deildarinnar með aðeins tíu stig. Nú tekur við löng pása hjá liðunum þar sem Heimsmeistaramótið í Katar hefst í næstu viku.