Lífið

Hafa ekki enn opin­berað endan­legt nafn sonarins

Elma Rut Valtýsdóttir skrifar
Kylie Jenner og Travis Scott eignuðu son í upphafi árs sem þau nefndu Wolf. Þau tilkynntu þó fljótlega að þau hefðu hætt við nafnið og hafa ekki enn ákveðið hvert hans endanlega nafn á að vera.
Kylie Jenner og Travis Scott eignuðu son í upphafi árs sem þau nefndu Wolf. Þau tilkynntu þó fljótlega að þau hefðu hætt við nafnið og hafa ekki enn ákveðið hvert hans endanlega nafn á að vera. Getty/Bryan Steffy

Athafnakonan og raunveruleikastjarnan Kylie Jenner hefur ekki enn greint frá því hvað tæplega tíu mánaða gamall sonur hennar eigi að heita. Þau voru búin að gefa drengnum nafn sem þau hættu svo við, þar sem þeim fannst það ekki eiga nógu vel við hann.

Jenner eignaðist sitt annað barn með rapparanum Travis Scott á þeim flotta degi 2/2/22. Fyrir eiga þau dótturina Stomi, fjögurra ára.

Fljótlega eftir fæðingu drengsins tilkynntu foreldrarnir að hann honum hefði verið gefið nafnið Wolf Webster. Um mánuði síðar kom svo önnur tilkynning frá Jenner þar sem hún greindi frá því að þau hefðu hætt við nafnið.

 „Okkur leið bara eins og þetta væri ekki hann,“ skrifaði Jenner í tilkynningunni á Instagram í mars á þessu ári.

Kylie og Travis eiga dótturina Stormi sem er fjögurra ára. Þau hafa ekki birt myndir af syni sínum.Getty/Matt Winkelmeyer

„Barnið mitt heitir ennþá Wolf“

Miklar vangaveltur hafa verið meðal aðdáenda um hvaða nafn verði endanlega fyrir valinu. Nú er sonurinn hins vegar orðinn tæplega tíu mánaða gamall og gengur enn undir nafninu Wolf, þar sem foreldrarnir hafa ekki enn ákveðið hvert hans endanlega nafn skal vera.

Jenner greindi frá þessu í lokaþætti af raunveruleikaþáttunum The Kardashians sem sýndur var í gær.  „Ég hef verið að ganga í gegnum mjög miklar breytingar á þessu ári,“ sagði hún.

„Barnið mitt heitir ennþá Wolf. Ég skal láta ykkur vita þegar ég breyti því. Kannski segi ég ykkur nafnið í þáttaröð þrjú,“ sagði Jenner að lokum og blikkaði í átt að myndavélinni.

Khloé hefur ekki heldur gefið syninum nafn

Stjörnurnar eru þekktar fyrir óhefðbundin og áhugaverð barnanöfn og Kardashian/Jenner fjölskyldan er þar engin undantekning. Börn Kim bera nöfnin North West, Saint, Chicago og Psalm. Svo erum við með frænkurnar Dream, True og Stormi, sem dæmi.

Sonur Kylie er þó ekki eina barnið í fjölskyldunni sem hefur ekki enn fengið nafn. Khloé Kardashian eignaðist sitt annað barn með NBA leikmanninum Tristan Thompson nú í sumar. Þau eignuðust dreng með aðstoð staðgöngumóður og er sá drengur er ekki enn kominn með nafn. Khloé hefur þó greint frá því að nafnið muni að öllum líkindum byrja á bókstafnum T, líkt og nafn stóru systurinnar True.

Raunveruleikaþættir Hollywood

Tengdar fréttir

Khloé Kardashian sýndi frá fæðingu sonarins

Raunveruleikastjarnan Khloé Kardashian deildi fæðingu sonar síns með áhorfendum þáttanna The Kardashians. Soninn eignaðist hún með aðstoð staðgöngumóður. Barnsfaðir hennar Tristan Thompson fékk að koma og hitta nýfædda soninn þrátt fyrir allt sem gengið hefur á þeirra á milli.

Segir soninn ekki lengur heita Wolf

Bandaríska raunveruleikastjarnan og snyrtivörumógúllinn Kylie Jenner hefur tilkynnt að sonur hennar og söngvarans Travis Scott heiti ekki lengur Wolf. Þessi ákvörðun sé tekin eftir að foreldrarnir hafi kynnst syninum betur, en hann kom í heimin í byrjun síðasta mánaðar.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.