Jóladagatal Vísis: Selma og Jónsi koma með jólin til þín

Margrét Björk Jónsdóttir skrifar 24. desember 2022 07:00

Selma og Jónsi syngja okkur inn í jólin.

Hvað gerist ef við blöndum saman einhverjum bestu söngvurum landsins og einu besta og ástsælasta jólalagi þjóðarinnar? Útkoman er hér, í síðasta lagi Jóladagatals Vísis.

Hér má sjá og heyra Selmu Björnsdóttir ásamt Jóni Jósep Snæbjörnssyni og hljómsveitinni Í svörtum fötum taka hið ódauðlega lag Þú komst með jólin til mín, í Bjánalega stóra jólaþætti Loga sem sýndur var á Stöð 2 í desember árið 2016.

Útkoman er fantagóð. Meira að segja hundurinn sem sést væflast þarna um á myndbandinu er greinilega kominn í hið mesta hátíðarskap.

Gleðileg jól kæru lesendur og takk fyrir samfylgdina í Jóladagatali Vísis.

Jóladagatal Vísis Tónlist Jól Jólalög