Myndaveisla frá kjörinu á íþróttamanni ársins

Ómar Ingi hefur átt frábært ár, bæði með íslenska landsliðinu í handbolta, sem og félagsliði sínu, Magdeburg. Hann var því vel að verðlaununum kominn, en einnig voru veitt verðlaun fyrir þjálfara ársins og lið ársins. Þórir Hergeirsson, þjálfari norska kvennalandsliðsins í handbolta var valinn þjálfari ársins annað árið í röð og karlalið Vals í handbolta var valið lið ársins.

Þá var frjálsíþróttakonan Guðrún Arnardóttir tekin inn í Heiðurshöll ÍSÍ og Haraldur Ingólfsson var valinn Íþróttaeldhugi ársins úr röðum sjálfboðaliða.

Ljósmyndari Vísis, Hulda Margrét, var á svæðinu og hún fangaði stemninguna á filmu. Nokkrar af myndum hennar má sjá hér fyrir neðan.