Hörður fær fyrrverandi rússneskan landsliðsmann

Sá heitir Alexander Tatarintsev og 32 ára rétthent skytta. Hann er engin smásmíði, 2,10 metrar á hæð og 110 kg.

Tatarintsev er með flotta ferilskrá en auk þess að leika í heimalandinu hefur hann spilað með Ademar León á Spáni, Kristianstad í Svíþjóð og Górnik Zabrze í Póllandi. Þá hefur hann leikið fyrir rússneska landsliðið.

Herði veitir ekki af liðsstyrk enda eru Ísfirðingar með einungis eitt stig á botni Olís-deildarinnar. Fyrsti leikur Harðar á þessu ári er gegn ÍBV 28. janúar.