Fótbolti

Willum Þór setti boltann í eigið net

Hjörvar Ólafsson skrifar
Willum Þór Willumsson var vitanlega svekktur að hafa sett boltann í eigið net. 
Willum Þór Willumsson var vitanlega svekktur að hafa sett boltann í eigið net.  Vísir/Getty

Willum Þór Willumsson varð fyrir því óláni að skora sjálfsmark þegar lið hans Go Ahead Eagles gerði 2-2 jafntefli við Utrecht í hollensku efstu deildinni í fótbolta karla í dag. 

Willum Þór lék allan leikinn hægra megin á miðjunni fyrir Go Ahead Eagles en liðið situr í tíunda sæti deildarinnar með 19 stig eftir 16 umferðir. 

Þessi 24 ára gamli leikmaður er í lykilhlutverki hjá Go Ahead Eagles en hann hefur verið í byrjunarliði í 12 af 16 deildarleikjum liðsins á yfirstandandi leiktíð og komið einu sinni inná sem varamaður. 

Þá hefur Willum Þór skorað þrjú mörk í deildinni og lagt upp tvö önnur fyrir samherja sína. Willum Þór kom til Go Ahead Eagles frá BATE Borisov í Hvíta-Rússlandi síðasta sumar.  

Fótbolti Hollenski boltinn

Mest lesið


Fleiri fréttir

Sjá meira


×

Mest lesið