Með blæti fyrir Herjólfs­götunni

Draumaheimilið er sjónvarpsþáttur þar sem fylgst er með Íslendingum í fasteignahugleiðingum taka eina af stærstu ákvörðunum lífsins, hvaða eign skal kaupa. Það eru margar ákvarðanir sem fylgja fasteignakaupum auk verðs og staðsetningar; skólahverfi, íþróttafélag nánd við miðbæ auk ástands eignarinnar svo eitthvað sé nefnt. Auk þess að fylgjast með þessum stóra áfanga í lífi fólks munu áhorfendur fá góð ráð frá iðnaðarmönnum og öðrum fagaðilum.

Í þættinum í gær skoðuðu þau Ólöf og Daði eign við Herjólfsgötu, sérhæð á jarðhæð. Eignin var 111 fermetrar að stærð og með þremur svefnherbergjum. Á eignina var sett 62,9 milljónir. Söngkonan og fasteignasalinn Hera Björk aðstoðaði parið við leitina en sjálf segist Hera vera með blæti fyrir Herjólfsgötunni.

Hér að neðan má sjá þegar parið skoðaði umrædda eign. Hægt er að sjá þáttinn í heild sinni á Stöð 2+ en parið skoðaði tvær aðrar eignir í þættinum og valdi svo úr þeim þremur.