Handbolti

Skipti Guðmundar Hólmars í Hauka staðfest

Ingvi Þór Sæmundsson skrifar
Guðmundur Hólmar Helgason í Haukabúningnum.
Guðmundur Hólmar Helgason í Haukabúningnum. haukar

Handboltamaðurinn Guðmundur Hólmar Helgason hefur skrifað undir tveggja ára samning við Hauka. Hann gengur í raðir liðsins frá Selfossi eftir tímabilið.

Félagaskipti Guðmundar í Hauka hafa legið í loftinu í nokkurn tíma en hafa nú verið staðfest.

Guðmundur hefur leikið með Selfossi frá 2020. Á þessu tímabili hefur hann skorað 71 mark í sextán leikjum í Olís-deildinni. Selfyssingar eru í 6. sæti deildarinnar en Haukar í því áttunda.

Haukar verða fjórða liðið sem Guðmundur leikur með hér á landi. Hann spilaði með Akureyri og Val áður en hann fór í atvinnumennsku 2016. Þar lék hann sitt hvor tvö tímabilin með Cesson Rennes í Frakklandi og West Wien í Austurríki.

Olís-deild karla Haukar UMF Selfoss

Mest lesið


Fleiri fréttir

Sjá meira


×

Mest lesið