Fótbolti

Dagný lagði upp mark í fjórða tapi West Ham í röð

Arnar Geir Halldórsson skrifar
Dagný Brynjarsdóttir.
Dagný Brynjarsdóttir. Stöð 2 Sport

Dagný Brynjarsdóttir og stöllur hennar í West Ham eru í vandræðum í ensku úrvalsdeildinni í fótbolta um þessar mundir.

Dagný hóf leik á varamannabekknum í dag þegar liðið fékk Aston Villa í heimsókn. 

Henni var skipt inná í leikhléi en þá var staðan orðin 0-1 fyrir Aston Villa. Eftir klukkutíma leik bættu gestirnir við öðru marki.

Dagný lagði upp mark fyrir Viviane Asseyi á 79.mínútu en West Ham tókst ekki að nýta lokakaflann í leiknum til að jafna metin og fjórða tap liðsins í röð staðreynd.

Þrátt fyrir það siglir West Ham nokkuð lygnan sjó um miðja deild.

Enski boltinn

Mest lesið


Fleiri fréttir

Sjá meira


×

Mest lesið