Keyptu raðhús, síðan 260 fermetra íbúð og svo parhús í Garðabænum

Í upphafi þáttarins fór Sindri í heimsókn til fjölskyldunnar í nýtt raðhús í Fossvoginum en áður en sá þáttur var gefinn út fluttu þau í 260 fermetra stórglæsilega íbúð í miðborginni og því fengu áhorfendur Stöðvar 2 einnig að sjá hana í þætti gærkvöldsins.

Og ekki nóg með það, þegar Sindri leit við í íbúðina hafði parið fjárfest í parhúsi í Garðabænum og er það næsti áfangastaður. Það hús var nánast fokhelt þegar þáttur gærkvöldsins var tekin upp og verður farið í heimsókn á nýja staðinn í næstu þáttaröð en þátturinn í gær var lokaþátturinn í þessari seríu af Heimsókn.

Hér að neðan má sjá brot úr Heimsóknarþættinum þar sem Stella Birgisdóttir, innanhúshönnuður, sýnir sinn einstaklega smekklega stíl.