Kvöldfréttir Stöðvar 2

Við komumst að því hver uppruni Íslendinga er og fjöllum um nýlegar rannsóknir á upprunanum sem kynntar voru á fundi Íslenskrar erfðagreiningar í dag.

Hlutverk kennara er ekki að lesa ritgerðir samdar af gervigreindarforriti. Þetta segir formaður Félags framhaldsskólakennara en slík tilfelli færast nú í aukana. Líta verði á þessa tæknibyltingu sem tækifæri til að leggja meiri áherslu á félagslega þáttinn.

Nýtt hótel á Landssímareitnum svokallaða við Austurvöll var opnað fyrir skemmstu og benda spár til þess að það verði nóg að gera. Bókunarstaða hótela fyrir sumarið lofar mjög góðu, að sögn framkvæmdastjóra fyrirtækja í hótel og gistiþjónustu.

Þá förum við yfir stöðuna í Súdan, verðum í beinni útsendingu frá alþjóðlega diskósúpudeginum og heyrum í bændum sem eru áhugasamir um að stórefla kornrækt á Suðurlandi.

Þetta og fleira í kvöldfréttum Stöðvar 2 á slaginu klukkan 18:30.