Vinicius undirbýr sig fyrir Man. City leikinn í sérstökum súrefnisklefa

Real vann leikinn með tveimur mörkum frá Brasilíumanninum Rodrygo og það fyrra kom eftir undirbúning Vinícius Junior.

Vinícius hefur átt frábært tímabil með Real Madrid og er algjör lykilmaður í sóknarleik liðsins.

Það skiptir því miklu máli að hann sé klár í slaginn í fyrri undanúrslitaleiknum á móti Manchester City í Meistaradeildinni. Sá leikur er strax annað kvöld. Það er því ekki langur tími á milli tveggja mikilvægra leikja.

Vinícius gerði sitt til að hraða endurheimtunni eftir bikarúrslitaleikinn en hann sýndi mynd af sér í sérstökum súrefnisklefa á heimili sínu í Madrid.

Hér fyrir neðan má sjá mynd af kappanum í klefanum.

Hinn 22 ára gamli Vinícius Júnior hefur skorað 22 mörk og gefið 21 stoðsendingu í 50 leikjum í öllum keppnum á leiktíðinni þar af er hann með sex mörk og fimm stoðsendingar í tíu leikjum í Meistaradeildinni.

Stuðningsmenn Real Madrid fagna því að þeirra maður er tilbúinn að leggja mikið á sig til að vera ferskur í leiknum á móti Manchester City. Liverpool fólk gleymir því ekki að þessi snjalli Brassi var með tvö mörk og tvær stoðsendingar í tveimur sigurleikjum á móti Liverpool í sextán liða úrslitum Meistaradeildarinnar fyrr á þessari leiktíð.