Kominn með nóg eftir ó­þverra helgarinnar: Í­hugar að yfir­gefa Spán

Hópur stuðnings­manna Valencia tók sig til og beindu apa­hljóðum í áttina að Vinicius Juni­or í leik Valencia gegn Real Madrid á dögunum.

Þetta er því miður ekki í fyrsta skiptið sem Vinicius verður fyrir kyn­þátta­níð í leik í spænsku úr­vals­deildinni en for­ráða­menn spænsku úr­vals­deildarinnar hafa fengið á sig mikla gagn­rýni fyrir að­gerða­leysi sitt er kemur að því að taka á kyn­þátta­níði í deildinni.

Upp­lifun Vinicius Jr. af leiknum gegn Valencia á dögunum, sem og pirringur hans gagn­vart að­gerðar­leysi spænsku úr­vals­deildarinnar gegn kyn­þátta­níð, hafa orðið til þess að hann efast nú um fram­tíð sína hjá Real Madrid að sögn The Athletic. 

Vinicius upp­lifir sig einan í sinni bar­áttu og í yfir­lýsingu, sem hann sendi frá sér í færslu á sam­fé­lags­miðlum, má greina sterk skila­boð.

„Ég er sterkur og mun fara alla leið í því að berjast gegn kyn­þátta­níð. Jafn­vel þó það sé langt frá þessum stað.“

The At­hletic setti sig við ein­stak­linga sem starfa náið með Vinicius og vildu fá svör við því hvort leik­maðurinn væri að ýja að brott­för frá Real Madrid og spænsku úr­vals­deildinni.

Um­ræddir heimildar­menn vildu koma fram undir nafn­leynd og höfðu þetta að segja:

„Já, þegar að þú stendur einn í bar­áttunni...Fram til þessa dags var ekki mögu­leiki á því (að Vinicius færi frá Real Madrid), frá deginum í dag er mögu­leikinn til staðar.“

Forseti deildarinnar drullaði yfir Vinicius

Javier Tebas, forseti La Liga, hefur brást í gær við ummælum Vinícius Junior sem sagði að spænska úrvalsdeildin tilheyri núna rasistum.

Tebas tók til varna á Twitter. Hann sagði af og frá að spænska úrvalsdeildin væri rasísk. Hann sagði gagnrýni Vinícius ósanngjarna og að spænska úrvalsdeildin berðist með kjafti og klóm gegn rasisma.