Boozt tekur forystu í samfélagslegri ábyrgð og lokar á óþarfa vöruskil

Nýlega fjallaði sænska rikissjónvarpið (SVT) um meðhöndlun vöruskila í netverslunum og var Boozt í brennidepli en verslunin lokaði tímabundið reikningum um 42 þúsund viðskiptavina vegna óþarfra vöruskila.

„Við höfum lagt hart að okkur til að tryggja ábyrga viðskiptahætti og viljum með því setja gott fordæmi fyrir aðra,“ segir Gloria. „Við erum tengiliður milli framleiðenda og neytenda og vegna stærðar okkar á markaðnum erum við í einstakri stöðu til að ýta undir sjálfbærni, allt frá því hvernig vara er framleidd og við hvaða aðstæður, til þess hvernig hún kemst í hendur viðskiptavinar og hvernig hann notar vöruna.

Þessi hópur sem um ræðir er einungis 1.58% af rúmlega þremur milljónum viðskiptavina Boozt en er samt ábyrgur fyrir um 25% af heildarmagni vöruskila hjá versluninni. 

Með því að loka á reikninga þessara viðskiptavina og draga þannig úr óþarfa vöruskilum, minnkaði Boozt losun á um það bil 791 tonnum gróðurhúsalofttegunda (CO2e) árið 2022 og sparaði þörf fyrir um það bil 600 sendibíla í heilt ár.“

Fagna gagnsæi og skýrari reglum

Eftir því sem neytendur verða meðvitaðri um umhverfis- og samfélagsleg áhrif fyrirtækja eykst áherslan á sjálfbæra viðskiptahætti. Gloria segir markmið Boozt að efla gagnsæi og samvinnu innan netverslanageirans og fyrirtækið ætli sér að vera leiðandi í þeirri vegferð. Sem fyrirtæki í rafrænum viðskiptum býr Boozt þegar yfir gögnum um hvert skref í starfsemi fyrirtækisins, sem gerir gagnsæi og rekjanleika að eðlilegum hluta starfseminnar og hlaut Boozt nýverið AAA toppeinkunn í MSCI ESG mati. Gloria segir að fagna beri reglugerð sem setji iðnaðinum í heild skýrari ramma.

„Fyrirtæki munu standa frammi fyrir auknum kröfum um upplýsingagjöf á næstu árum og þurfa að veita ítarlegri og gagnsærri upplýsingar um hvað þau eru að gera til sjálfbærni og reglur munu búa til hlutlaust umhverfi þar sem allir geta talað sama tungumálið. 

Tískuiðnaðurinn þarf að viðurkenna gildi samvinnu og gagnsæis ef við eigum að ná fram breytingum og skýrar reglur gera ekki einungis fyrirtækjum kleift að gera nákvæmari samanburð innan greinarinnar heldur halda viðskiptavinum okkar upplýstum svo þeir geti tekið upplýstar ákvarðanir,“ segir Gloria og bendir á sérstakan vöruflokk hjá Boozt sem auðveldi viðskiptavinum sjálfbært val.

„Made With Care flokkurinn okkar inniheldur til að mynda eitt stærsta úrval sjálfbærra vara á Norðurlöndum. Á þessu ári munum við gera enn betur og innleiða uppfærða staðla í takt við þær kröfur sem gerðar eru strax á framleiðslustigi vöru bæði umhverfislega og félagslega,“ segir Gloria.

Hér má lesa sjálfbærniskýrslur Boozt