Breytir hundum í lista­verk

Gabríel sem er 31 árs hefur hlotið gríðarlega athygli fyrir einstaka snyrtitækni en hann notar vegan gæludýravæn litarefni við hönnun sína. Í dag er hann með rúmlega tvær milljónir fylgjenda á TikTok og yfir fjögur hundruð samfélagsmiðlinum á Instagram.

Hundasnyrtistofan halar inn tekjum

Hver viðskiptavinur fær að meðaltali þrjár til fimm klukkustundir en þar með er talin matar og baðherbergispása. Sjálfur vinnur Gabríel að fjörutíu til fimmtíu klukkustundir á viku hverri.

Samkvæmt skattaskjölum sem CNBC kannaði halaði hundasnyrtistofan um 1,2 milljónum bandaríkja dollara á síðasta ári og þénaði Gabríel sjálfur þar 125.500 til viðbótar fyrir vörumerkjasamninga og kostað samstarf.

Draumur að rætast

Þetta er draumur að rætast fyrir mig segir Gabríel í samtali við CNBC fréttastofu.

„Ég fluttist til Bandaríkjanna með tvö skæri og rakvél. Í dag rek ég stað þar sem ég fæ að vera listamaður og er gangandi sönnun þess að allt er mögulegt.“

Áhuga sinn á hundasnyrtingu hófst þegar Gabríel var tólf ára. Þá fór hann með hund systur sinnar í snyrtingu og horfði dáleiddur hundasnyrtinn baða og skreyta hundinn. Honum grunaði þó ekki að þar myndi hans eigin starfsferill eiga upptök sín.

„Ég hugsaði bara vá þessi maður fær að leika við hunda allan daginn og græða pening á því. Ég varð hreinlega heltekinn af hugmyndinni.“

Hæfileikarnir leyna sér ekki

Frá því augnabliki einsetti Gabríel sér að læra meira og bað þennan tiltekna hundasnyrti að kenna sér að þvo hunda. Stuttu síðar hóf hann störf hjá þessum sama hundasnyrti og sinnti því starfi alltaf eftir skóla. Gæludýrasnyrting krefst engrar sérhæfðrar menntunar og því er Gabríel ekki með neina skólagráðu en einstakir hæfileikar hans leyna sér ekki. 

Hann flakkaði um Bandaríkin í þrjú ár þar sem hann vann á hundasýningum sem hann lýsir sem sínu starfsnámi en settist loks að í San Diego ásamt þáverandi eiginmanni sínum árið 2017 þar sem hann býr í dag.

Samfélagsmiðlaboltinn fór að rúlla

Árið 2021 var Gabríel svo valinn í Pooch Perfect sjónvarpsþátt um hundasnyrtilistamenn í dagskrá sjónvarpsstöðvarinnar ABC. Þar flaug hann strax í úrslit. 

Í kjölfarið fór samfélagsmiðlaboltinn að rúlla og fylgið jókst sem og viðskiptin. Í dag segir Gabríel það nokkuð algengt að fólk flugi frá öðrum ríkjum Bandaríkjanna til þess að koma með hundana sína á stofuna í snyrtingu.

Gabríel segir því fylgja ólýsanleg gleði að sjá brosið sem færist yfir eigendur hundanna þegar sköpunarverki sínu sé lokið.

12 ára Gabríel væri stoltur af mér í dag

Spurður um framtíðina segist Gabríel vilja opna aðra hundasnyrtistofu í Los Angeles og koma sömuleiðis á fót hunda snyrti-sjónvarpsþætti. Hann segist sannfærður um að 12 ára litli Gabríel yrði stoltur af sér í dag.