Val­geir Lund­dal og fé­lagar í góðri stöðu fyrir seinni leikinn

Heimamenn í Häcken byrjuðu af krafti og Ibrahim Sadiq kom þeim yfir strax á 7. mínútu leiksins. Valgeir Lunddal renndi boltanum þá á Sadiq sem átti fyrirgjöf sem fór í varnarmann og þaðan aftur til Sadiq sem skoraði með skoti í fyrsta.

Það tók heimamenn svo aðeins sex mínútur að tvöfalda forystuna, Mikkel Rygaard þar að verki. Gestirnir gáfust þó ekki upp og minnkuðu muninn þegar rúmlega hálftími var liðinn af leiknum.

Even Hoveland kom heimamönnum aftur í tveggja marka forystu áður en fyrri hálfleik var lokið og staðan 3-1 í hálfleik.

Valgeir Lunddal var tekinn af velli eftir rúma klukkustund en ekkert mark var skorað í síðari hálfleik, lokatölur 3-1 og sænsku meistararnir í góðum málum fyrir síðari leik liðanna sem fram fer í næstu viku.