Sonur LeBrons lenti í hjarta­stoppi á æfingu

Bronny var á æfingu með University of South Carolina í gær þegar hann hneig skyndilega niður.

Sjúkraliðar huguðu að honum og fóru með hann á sjúkrahús þar sem hann er núna. Ástand hans er sagt stöðugt og hann er ekki á gjörgæslu.

Bronny, sem er átján ára, er að hefja nám við USC í haust. Hann þykir efnilegur körfuboltamaður og því hefur verið spáð að hann gæti verið valinn í nýliðavali NBA-deildarinnar.

Þá hefur faðir hans, einn besti körfuboltamaður allra tíma, sagst vera spenntur fyrir því að spila með syni sínum á stærsta sviði körfuboltans, NBA.