Körfubolti

Ísland náði ekki að stela sigrinum gegn Ungverjalandi

Siggeir Ævarsson skrifar
Jón Axel Guðmundsson á fleygiferð gegn Ítalíu í Ólafssal. Hilmir Kristjánsson fylgist íbygginn með í bakgrunni
Jón Axel Guðmundsson á fleygiferð gegn Ítalíu í Ólafssal. Hilmir Kristjánsson fylgist íbygginn með í bakgrunni VÍSIR/BÁRA

Ísland lék sinn annan vináttuleik á tveimur dögum þegar liðið atti kappi við Ungverjaland í Kecskemét í Ungverjalandi. Lokatölur leiksins urðu 73-69 heimamönnum í vil.

Ungverjar voru töluvert sterkari framan af og leiddu í hálfleik 40-29. Íslendingar náðu að stilla betur saman strengi í seinni hálfleik og minnkuðu forskotið í sex stig, staðan 57-51 eftir þrjá leikhluta.

Ísland náði að minnka muninn í fjögur stig og áttu möguleika á að stela sigrinum í lokin en varð þó ekki kápan úr því klæðinu.

Stigahæstur Íslendinga að þessu sinni var Jón Axel Guðmundsson. Hann skoraði 17 stig og bætti við sex fráköstum. 

Leikirnir tveir sem Ísland lék um helgina, gegn Ísrael og Ungverjalandi, voru liðir í undirbúningi liðsins fyrir forkeppni Ólympíuleikanna 2024 nú í ágúst en leikið verður í Tyrklandi.

Körfubolti Landslið karla í körfubolta

Mest lesið


Fleiri fréttir

Sjá meira


×

Mest lesið