Gefðu starfs­fólkinu úti­vist og ævin­týri!

Vörulína ZO•ON er breið og er hægt að finna eitthvað fyrir alla segir María Brá Finnsdóttir, viðskiptastjóri hjá ZO•ON. „Við erum með úrval af vönduðum fatnaði og fylgihlutum eins og yfirhafnir, peysur, buxur, húfur, hanska, töskur, belti og margt fleira. Vörurnar eru hannaðar fyrir íslenskt veðurfar og henta því fyrir fjölbreyttar aðstæður, allt árið um kring.“

Metnaðarfull fyrirtækjaþjónusta

ZO•ON býður upp á þjónustu fyrir fyrirtæki og stofnanir, hvort sem það er starfsmannafatnaður eða tækifærisgjafir. „Mikill metnaður er lagður í að bjóða upp á persónulega og góða þjónustu þar sem reynt er eftir fremsta megni að uppfylla þarfir hvers og eins,“ segir María. „Mörgum finnst erfitt að velja fatnað fyrir starfsfólk sitt og þá er tilvalið að gefa gjafakort eða fylgihluti sem allir geta notað, eins og húfur, hanska og töskur.“

Starfsmannafatnaður í miklu úrvali

Hjá ZO•ON er breitt vöruúrval af hversdagsfatnaði og yfirhöfnum sem er hægt að sérmerkja að sögn Maríu. „Við bjóðum upp á sérframleiðslu fyrir fyrirtæki á starfsmannafatnaði. Algengt er að fyrirtæki láti merkja fötin og við veitum ráðgjöf varðandi allar slíkar merkingar.“

Gjafakort ZO•ON

Gjafakort er vinsæl og skemmtileg gjöf sem gleður alla. „Gjafakort ZO•ON koma í vönduðu umslagi og henta því einstaklega vel sem tækifærisgjöf fyrir starfsfólkið þitt. Þau eru þægileg í notkun, renna aldrei út og hægt er að nota þau í öllum okkar verslunum og einnig í netverslun.“

Einnig hefur verið vinsælt að kaupa gjafakort hjá ZO•ON og bæta við smærri gjöf segir María. „Gjafakortin koma í umslagi og við getum útbúið fallega gjafaöskju þar sem öllu er pakkað inn.Gjafaöskjurnar eru sérhannaðar og settar saman eftir þörfum fyrirtækja.“

Hægt er að fá rafræn gjafakort fyrir hópa sem er tilvalið fyrir fyrirtæki eða stofnanir sem vilja minnka umhverfisspor sitt.

Nýjar vetrarvörur að detta í hús

Spennandi vetur er framundan hjá ZO•ON að sögn Maríu. „Vetrarvörurnar eru að koma inn núna á næstu vikum en fyrstu sendingarnar koma inn um mánaðarmótin. Stór hluti af línunni okkar er fáanlegur allan ársins hring svo fáum við líka nýjar vörur í nýjum litum eftir árstíðum. Við eigum von á spennandi nýjungum eins og tæknilegum þriggja laga fatnaði, bakpokum, mittistöskum, merino ullarfatnaði og mörgu fleiru. Við hvetjum fyrirtæki að stuðla að heilbrigðu líferni og vellíðan með ZO•ON útivistarfatnaði fyrir næsta ævintýri.“

Hægt er að finna nánari upplýsingar um fyrirtækjaþjónustuna hér eða senda fyrirspurnir á sala@zo-on.com.