Hneykslaður á framferði aðgerðarsinna eftir útleigu til Samtakanna 22 Sólrún Dögg Jósefsdóttir skrifar 27. ágúst 2023 17:23 Miðflokkurinn var sá eini á Alþingi á sínum tíma sem talaði gegn frumvarpi um kynrænt sjálfsræði. Vísir/Vilhelm Sigmundur Davíð Gunnlaugsson þingmaður segist hneykslaður á framferði aðgerðasinna þegar í ljós kom að Miðflokkurinn hugðist leigja húsnæði sitt undir málþing Samtakanna 22, sem oft hafa verið sökuð um transfóbíu. Hann greinir frá þessu í skoðanapistli sem birtist á vef breska íhaldsblaðsins The Spectator og ber titilinn Svona tók trans hugmyndafræði yfir Ísland. Hann byrjar greinina á að segja frá því þegar hann hugðist leigja sal flokksins út til Samtakanna 22, hagsmunasamtaka samkynhneigðra og tvíkynhneigða. Samtökin, sem áður hétu LGB teymið, hafa verið sökuð um transfóbíu á samfélagsmiðlum og hafa meðal annars kallað hinseginhreyfinguna á Íslandi öfgafulla. Samþykkti að leigja út salinn Sigmundur segist hafa fengið símtal frá einum skipuleggjenda málþings, sem samtökin ætluðu að halda morguninn eftir, og samþykkt að leigja þeim út salinn undir málþingið. Athygli vakti að málþing Samtakanna 22 var skipulagt á sama tíma og Gleðigangan stóð yfir. Áherslumál gleðigöngunnar þetta árið var málstaður trans fólks. Bæði Þjóðminjasafnið og Reiðhöllin höfðu þá hætt við útleigu á sölum sínum til samtakanna eftir að hafa komist að því fyrir hverju þau stæðu. „Síðar komst ég að því að um leið og auglýst var að þingið yrði í salnum okkar höfðu meðlimir flokksins verið kaffærðir í símtölum frá aktívistum að biðja þá um að aflýsa viðburðinum,“ skrifar Sigmundur. „Hvað vildu þessir aktívistar að við myndum gera, banna samtökum sem berjast fyrir réttindum samkynhneigðra að leigja salinn?“ skrifar hann jafnframt. „Hvers vegna fannst stærstu LGBTQIA+ samtökum Íslands, sem fá töluverðan styrk úr ríkissjóði og hefur það verkefni að fræða börn, mikilvægt að koma í veg fyrir að LGB samtök fengju að funda?“ Þá segist hann hneykslaður á framferði hinsegin samtakanna sem mótmæltu því að málþingið yrði haldið. „Hvernig komumst við á þann stað að opinberum stofnunum og stjórnmálaflokkum sé hótað fyrir að hýsa viðburð þar sem mannréttindamál eru rædd?“ skrifar Sigmundur. Fjöldi fordæmdi samtökin Hópur tæplega þrjú hundruð samkynhneigðra Íslendinga steig fram fyrr á árinu og lýsti því yfir að Samtökin 22 væru ekki í þeirra nafni. Þá fordæmdu þau að vísað yrði til samtakanna sem hagsmunasamtaka samkynhneigðra. Í greininni segir Sigmundur líka frá því að Miðflokkurinn sé sá eini á Alþingi sem þori að gagnrýna frumvörp sem snúi að trans fólki og nefnir þar frumvarpið um kynrænt sjálfræði sem samþykkt var á Alþingi sumarið 2019. Miðflokkurinn var eini flokkurinn sem mótmælti frumvarpinu og sagði Sigmundur það ómanneskjulegt og fornaldarlegt öfgamál. Frumvarpið var samþykkt með 45 atkvæðum þingmanna en fimmtán voru fjarstaddir þegar atkvæðagreiðslan fór fram. Þrír þingmenn Miðflokksins voru fjarstaddir en aðrir þingmenn flokksins sátu hjá. Þingkona lýsti orðræðu Miðflokksins um frumvarpið eins og að tala við menn sem væru að stíga út úr tímavél. Í greininni á The Spectator segist Sigmundur þó einungis hafa verið að spyrja spurninga meðan hann brýndi mikilvægi þess að vernda réttindi trans fólks. Loks veltir hann því upp hvernig hann komst á þann stað að hann „þurfi að afsaka“ sína skuldbindingu við tjáningarfrelsi. Hann sé þó alltaf tilbúinn að læra. „Svo virðist sem í nútímastjórnmálum getir þú allt í einu talist ofstækisfullur fyrir það eitt að segja það sem allir töldu rétt fyrir nokkrum árum,“ endar hann á að segja. Málefni trans fólks Hinsegin Miðflokkurinn Mest lesið Lögreglumaður á sjúkrahúsi eftir alvarlega árás á Goslokahátíð Innlent „Við ætlum að upplifa stóra drauminn hans Kristians Helga” Innlent Keyptu ónýtt hús og fá ekki áheyrn Innlent „Þetta virðast vera einu gjöldin sem ekki má snerta“ Innlent Skipstjóri handtekinn í Reykjavíkurhöfn Innlent Piltur reyndi að stöðva árás föður sem ógnaði móðurinni með hníf Innlent Nýjasta útspil Ísraela á Gasa minni á „lokalausn“ nasistanna Innlent Ákvörðun dómsmálaráðherra gríðarleg vonbrigði Innlent Kolfelldu tillögu minnihlutans: „Það er meirihlutinn sem stýrir dagskránni“ Innlent Lögreglan lýsir eftir Hebu Ýr Innlent Fleiri fréttir Ekið á sjö ára barn í Borgartúni Gufunesmálið: Hringdu um miðja nótt og sögðu hinn látna vera kynferðisafbrotamann Skorið á bönd palestínska og úkraínska fánans Konan er komin í leitirnar Keyptu ónýtt hús og fá ekki áheyrn Alls 246 ökumenn sektaðir og átta sviptir vegna hraðaksturs Eldri borgarar skemmtu sér í múmínkastalanum Menn á sextugs- og sjötugsaldri grunaðir um stórfellt fíkniefnabrot Nýjasta útspil Ísraela á Gasa minni á „lokalausn“ nasistanna Handviss um að Sjálfstæðisflokkurinn fái yfir þrjátíu prósent Kolfelldu tillögu minnihlutans: „Það er meirihlutinn sem stýrir dagskránni“ „Þetta virðast vera einu gjöldin sem ekki má snerta“ Skráningargjöld, fylgistap og gettó á Gasa Bæjarráð Voga vill gera ráð fyrir flugvelli í Hvassahrauni Leggur til þjóðaratkvæðagreiðslu um bókun 35 Piltur reyndi að stöðva árás föður sem ógnaði móðurinni með hníf Flugvél Play lenti í hagléli og þurfti að snúa við Lögreglumaður á sjúkrahúsi eftir alvarlega árás á Goslokahátíð Óskar viðbragða ráðherra við löngum afgreiðslutíma Lögregla lýsir eftir heilabilaðri konu á Akureyri „Við ætlum að upplifa stóra drauminn hans Kristians Helga” Vilja taka fjármálaáætlun til umræðu Einu verslun Þingeyringa lokað Aðsóknarmet slegið í lögreglunám Skipstjóri handtekinn í Reykjavíkurhöfn Ákvörðun dómsmálaráðherra gríðarleg vonbrigði Lögreglan lýsir eftir Hebu Ýr Öll tölfræði um málþófið á einum stað: Íslandsmet á næsta sólarhring „Þetta er bara hálfkák og ekkert annað“ Skiltið hluti af stærra vandamáli sem dragi úr lífsgæðum Sjá meira
Hann greinir frá þessu í skoðanapistli sem birtist á vef breska íhaldsblaðsins The Spectator og ber titilinn Svona tók trans hugmyndafræði yfir Ísland. Hann byrjar greinina á að segja frá því þegar hann hugðist leigja sal flokksins út til Samtakanna 22, hagsmunasamtaka samkynhneigðra og tvíkynhneigða. Samtökin, sem áður hétu LGB teymið, hafa verið sökuð um transfóbíu á samfélagsmiðlum og hafa meðal annars kallað hinseginhreyfinguna á Íslandi öfgafulla. Samþykkti að leigja út salinn Sigmundur segist hafa fengið símtal frá einum skipuleggjenda málþings, sem samtökin ætluðu að halda morguninn eftir, og samþykkt að leigja þeim út salinn undir málþingið. Athygli vakti að málþing Samtakanna 22 var skipulagt á sama tíma og Gleðigangan stóð yfir. Áherslumál gleðigöngunnar þetta árið var málstaður trans fólks. Bæði Þjóðminjasafnið og Reiðhöllin höfðu þá hætt við útleigu á sölum sínum til samtakanna eftir að hafa komist að því fyrir hverju þau stæðu. „Síðar komst ég að því að um leið og auglýst var að þingið yrði í salnum okkar höfðu meðlimir flokksins verið kaffærðir í símtölum frá aktívistum að biðja þá um að aflýsa viðburðinum,“ skrifar Sigmundur. „Hvað vildu þessir aktívistar að við myndum gera, banna samtökum sem berjast fyrir réttindum samkynhneigðra að leigja salinn?“ skrifar hann jafnframt. „Hvers vegna fannst stærstu LGBTQIA+ samtökum Íslands, sem fá töluverðan styrk úr ríkissjóði og hefur það verkefni að fræða börn, mikilvægt að koma í veg fyrir að LGB samtök fengju að funda?“ Þá segist hann hneykslaður á framferði hinsegin samtakanna sem mótmæltu því að málþingið yrði haldið. „Hvernig komumst við á þann stað að opinberum stofnunum og stjórnmálaflokkum sé hótað fyrir að hýsa viðburð þar sem mannréttindamál eru rædd?“ skrifar Sigmundur. Fjöldi fordæmdi samtökin Hópur tæplega þrjú hundruð samkynhneigðra Íslendinga steig fram fyrr á árinu og lýsti því yfir að Samtökin 22 væru ekki í þeirra nafni. Þá fordæmdu þau að vísað yrði til samtakanna sem hagsmunasamtaka samkynhneigðra. Í greininni segir Sigmundur líka frá því að Miðflokkurinn sé sá eini á Alþingi sem þori að gagnrýna frumvörp sem snúi að trans fólki og nefnir þar frumvarpið um kynrænt sjálfræði sem samþykkt var á Alþingi sumarið 2019. Miðflokkurinn var eini flokkurinn sem mótmælti frumvarpinu og sagði Sigmundur það ómanneskjulegt og fornaldarlegt öfgamál. Frumvarpið var samþykkt með 45 atkvæðum þingmanna en fimmtán voru fjarstaddir þegar atkvæðagreiðslan fór fram. Þrír þingmenn Miðflokksins voru fjarstaddir en aðrir þingmenn flokksins sátu hjá. Þingkona lýsti orðræðu Miðflokksins um frumvarpið eins og að tala við menn sem væru að stíga út úr tímavél. Í greininni á The Spectator segist Sigmundur þó einungis hafa verið að spyrja spurninga meðan hann brýndi mikilvægi þess að vernda réttindi trans fólks. Loks veltir hann því upp hvernig hann komst á þann stað að hann „þurfi að afsaka“ sína skuldbindingu við tjáningarfrelsi. Hann sé þó alltaf tilbúinn að læra. „Svo virðist sem í nútímastjórnmálum getir þú allt í einu talist ofstækisfullur fyrir það eitt að segja það sem allir töldu rétt fyrir nokkrum árum,“ endar hann á að segja.
Málefni trans fólks Hinsegin Miðflokkurinn Mest lesið Lögreglumaður á sjúkrahúsi eftir alvarlega árás á Goslokahátíð Innlent „Við ætlum að upplifa stóra drauminn hans Kristians Helga” Innlent Keyptu ónýtt hús og fá ekki áheyrn Innlent „Þetta virðast vera einu gjöldin sem ekki má snerta“ Innlent Skipstjóri handtekinn í Reykjavíkurhöfn Innlent Piltur reyndi að stöðva árás föður sem ógnaði móðurinni með hníf Innlent Nýjasta útspil Ísraela á Gasa minni á „lokalausn“ nasistanna Innlent Ákvörðun dómsmálaráðherra gríðarleg vonbrigði Innlent Kolfelldu tillögu minnihlutans: „Það er meirihlutinn sem stýrir dagskránni“ Innlent Lögreglan lýsir eftir Hebu Ýr Innlent Fleiri fréttir Ekið á sjö ára barn í Borgartúni Gufunesmálið: Hringdu um miðja nótt og sögðu hinn látna vera kynferðisafbrotamann Skorið á bönd palestínska og úkraínska fánans Konan er komin í leitirnar Keyptu ónýtt hús og fá ekki áheyrn Alls 246 ökumenn sektaðir og átta sviptir vegna hraðaksturs Eldri borgarar skemmtu sér í múmínkastalanum Menn á sextugs- og sjötugsaldri grunaðir um stórfellt fíkniefnabrot Nýjasta útspil Ísraela á Gasa minni á „lokalausn“ nasistanna Handviss um að Sjálfstæðisflokkurinn fái yfir þrjátíu prósent Kolfelldu tillögu minnihlutans: „Það er meirihlutinn sem stýrir dagskránni“ „Þetta virðast vera einu gjöldin sem ekki má snerta“ Skráningargjöld, fylgistap og gettó á Gasa Bæjarráð Voga vill gera ráð fyrir flugvelli í Hvassahrauni Leggur til þjóðaratkvæðagreiðslu um bókun 35 Piltur reyndi að stöðva árás föður sem ógnaði móðurinni með hníf Flugvél Play lenti í hagléli og þurfti að snúa við Lögreglumaður á sjúkrahúsi eftir alvarlega árás á Goslokahátíð Óskar viðbragða ráðherra við löngum afgreiðslutíma Lögregla lýsir eftir heilabilaðri konu á Akureyri „Við ætlum að upplifa stóra drauminn hans Kristians Helga” Vilja taka fjármálaáætlun til umræðu Einu verslun Þingeyringa lokað Aðsóknarmet slegið í lögreglunám Skipstjóri handtekinn í Reykjavíkurhöfn Ákvörðun dómsmálaráðherra gríðarleg vonbrigði Lögreglan lýsir eftir Hebu Ýr Öll tölfræði um málþófið á einum stað: Íslandsmet á næsta sólarhring „Þetta er bara hálfkák og ekkert annað“ Skiltið hluti af stærra vandamáli sem dragi úr lífsgæðum Sjá meira