Brasserie Askur skiptir um eig­endur

Þar segir að nýir eig­endur séu mat­reiðslu­meistararnir Viktor Örn Andrés­son og Hin­rik Örn Lárus­son hjá Sæl­kera­búðinni og Lux veitingum. Þeir leiði nýja eig­enda­hópinn á­samt Baldri Guð­björns­syni, mat­reiðslu­meistara, sem muni stýra dag­legum rekstri veitinga­staðarins og Bjarna Stefáni Gunnars­syni, veitinga­manni og eig­anda Saffran og Pítunnar.

„Það er okkur fyrst og fremst heiður að fá að taka við stýrinu á þessum horn­steini í ís­lenskri veitinga­húsa­menningu. Askur er eldri en við allir í hópnum og við erum þakk­látir fyrir að fá að taka Ask á­fram inn í fram­tíðina,“ segir Hin­rik Örn Lárus­son í til­kynningu.

Sex­tíu ára sam­fleytt rekstrar­saga haldi á­fram

Í til­kynningunni segir að ekki þurfi að kynna veitinga­staðinn fyrir Ís­lendingum. Lang­flestir hafi á öllum aldri sest þar niður í góðu yfir­læti og snætt með vinum eða fjöl­skyldu í gegnum árin.

Askur nær þeim merka á­fanga eftir að­eins tvö ár að státa af sex­tíu ára sam­fleyttri rekstrar­sögu, þar af heilum fjöru­tíu árum á sama stað á Suður­lands­brautinni.

„Þegar maður fær svona gim­stein í hendurnar er mikil­vægt að halda í hin gömlu og rót­grónu gildi á­samt því að bæta við nýjum og ferskum á­herslum. Við ætlum að blása í gamlar glæður og endur­vekja veislu­þjónustu Asks, sem hann var þekktur fyrir á árum áður,“ er enn­fremur haft eftir Hin­riki.

Hann segir að á­fram verði hægt að stóla á hlað­borð í há­deginu og vin­sælt steikar­hlað­borð á sunnu­dögum. „Að sama skapi ætlum við að þjónusta fyrir­tæki í ná­grenninu um há­degis­verð á góðu verði. Við munum efla take away þjónustu Asksins og kynna nýjan grill­vagn til sögunnar áður en langt um líður.“