Antony sendur heim vegna á­sakana kærustunnar

Brasilíska knattspyrnusambandið segir að þessi 23 ára gamli vængmaður hafi verið tekinn úr liðinu eftir að „ákveðnar staðreyndir sem þurfi að rannsaka hafi komið í ljós.“

Brasilíska fréttaveitan UOL birti í gær ásakanir Gabrielu Cavallin, kærustu Antony, á hendur honum. Leikmaðurinn neitar þó sök.

Lögreglan í Brasilíu og á Manchester-svæðinu rannsaka nú málið, en Antony segir að rannsóknin muni aðeins sýna fram á sakleysi hans.

„Ég get haldið ró minni og sagt að ásakanirnar á hendur mér eru ósannar og að þau sönnunargögn sem nú þegar hafi komið fram, sem og sönnunargögnin sem eiga eftir að líta dagsins ljós, munu sýna fram á sakleysi mitt í þessu máli,“ ritaði Antony á samfélagsmiðla sína.

„Ég treysti því að lögreglurannsóknin muni sýna fram á sannleikann um sakleysi mitt.“