Fótbolti

Selja gras á 60 þúsund kall

Valur Páll Eiríksson skrifar
Leikmenn Barcelona munu ekki leika á Nývangi næstu 12 mánuðina hið minnsta.
Leikmenn Barcelona munu ekki leika á Nývangi næstu 12 mánuðina hið minnsta. Getty

Aðdáendur Barcelona á Spáni geta nú eignast grasblett af Nývangi, heimavelli liðsins, sem verið er að gera upp. Grasbletturinn er til sölu við vinnusvæðið sem umlykur leikvanginn sögufræga.

Allt gras hefur verið rifið upp á Nývangi eftir að framkvæmdir hófust á vellinum í sumar. Margt á vellinum var komið vel til ára sinna og er margra ára vinna fram undan við að gera hann upp. Stefnt er að því að hinn nýi Nývangur verði klár árið 2026.

Barcelona leikur á Ólympíuleikvanginum í Barcelona á þessari leiktíð en stefna að því að spila aftur á hálfkláruðum Nývangi á næstu leiktíð en þá mun aðeins um helmingur sæta vera nothæfur.

Spotify Camp Nou construction works epa10691020 General view of construction works at Spotify Camp Nou stadium after the approval of the license for the first phase of the remodeling works of the stadium of FC Barcelona, Spain, 14 June 2023. This permit includes tasks related to earthworks, retaining walls and perimeter screens and foundations for the construction of the basin that is developed on the floors below ground for the subsequent execution of the main work. EPA-EFE/Marta Perez

Margir fræknir sigrar hafa unnist á vellinum síðustu ár og geta stuðningsmenn félagsins nú keypt hluta grasblettarins. Hann hefur verið bútaður niður, settur í ramma sem er í mynd vallarins og seldu gegn misháu verði.

Sölustandar hafa verið settir upp við vinnusvæðið í kringum völlinn en þar er hægt að kaupa lítinn grasblett á allt frá 50 evrum upp í 400 evrur, sem jafngildir tæplega 60 þúsund krónum.

Líkt og sjá má hér eru grasblettirnir í vefbúð félagsins uppseldir.

Innrammaðir grasblettirnir sem eru til sölu. Þeir eru misdýrir.Skjáskot
Fótbolti Spænski boltinn

Mest lesið


Fleiri fréttir

Sjá meira


×

Mest lesið