Fótbolti

Leikmaður Nottingham Forest dæmdur í fimm mánaða bann

Ágúst Orri Arnarson skrifar
Varnarmaðurinn gekk til liðs við Nottingham Forest fyrir rúmu ári síðan.
Varnarmaðurinn gekk til liðs við Nottingham Forest fyrir rúmu ári síðan. Skjáskot

Harry Toffolo, varnarmaður Nottingham Forest, fannst sekur um 375 brot á veðmálareglum enska knattspyrnusambandsins. Hann var dæmdur í fimm mánaða bann frá knattspyrnuiðkun og sektaður um 20.956 sterlingspund. 

BBC greinir frá því að Harry Toffolo hafi viðurkennt brot sitt á veðmálareglum. Brotin hafi átt sér stað á tímabili frá 22. janúar 2014 til 18. mars 2017, Toffolo var leikmaður Norwich á þeim tíma en fór á lán til Swindon, Rotherham, Peterborough og Scunthorpe. 

Ivan Toney, leikmaður Brentford, var fyrr á þessu ári dæmdur í átta mánaða bann fyrir brot en ólíkt honum ætlar Harry Toffolo ekki að áfrýja banninu og mun það taka gildi strax. 

Enska knattspyrnusambandið mun gefa út skriflega yfirlýsingu á næstu dögum þar sem gefnar verða út nákvæmar ástæður leikbannsins. 

Harry Tofolo er 28 ára gamall og var einn af fjölmörgum leikmönnum sem gekk til liðs við Nottingham Forest sumarið 2022. Hann hefur spilað 22 leiki með félaginu í öllum keppnum frá því hann kom til liðsins. 

Enski boltinn

Tengdar fréttir

Á leið í bann eftir brot á veð­mála reglum

Það stefnir allt í að Harry Toffolo, varnarmaður Nottingham Forest í ensku úrvalsdeildinni í knattspyrnu, feti í fótspor Ivan Toney og verði dæmdur í margra mánaða bann vegna brota á veðmála reglum enska knattspyrnusambandsins.

Mest lesið


Fleiri fréttir

Sjá meira


×

Mest lesið