Skórnir á hilluna: „Tekur á að vera reiður sex daga vikunnar“

Ásgeir Börkur spilaði lengst af með Fylki, hvar hann ólst upp og hóf knattspyrnuferilinn, og spilaði 171 deildarleik með Árbæingum. Hann lék einnig með Selfossi og HK auk ÍR hér á landi. Þá spilaði hann einnig fyrir Sarpsborg í Noregi og GAIS í Svíþjóð.

Hann lék með Fylki er liðið vann Lengjudeildina í fyrra og færði sig svo í Breiðholtið en ÍR lenti í öðru sæti deildarinnar eftir lokaumferðina um helgina og fer því upp í næst efstu deild. Hann segir það viðeigandi lok á ferlinum í færslu sinni á Facebook.

„Eftir á að hyggja, þá endurspeglaði þetta tímabil kannski feril minn ágætlega. Mikill rússibani.“ segir Ásgeir Börkur á Facebook. Eftirsjáin á ferlinum sé þá aðeins ein.

„Aðeins ein eftirsjá! Ég vildi að ég hefði notið þess aðeins meira. Það tekur á að vera reiður sex daga vikunnar.“