Kvöldfréttir Stöðvar 2

Efni til að leysa upp varafyllingar eru notuð á ólögmætan hátt á snyrtistofum hér á landi. Læknir segir markaðinn með fylliefni stjórnlausan og óttast að illa geti farið. Í kvöldréttum sjáum við brot úr Kompás sem verður sýndur að loknum fréttum.

Við skoðum einnig aðstöðuna á Litla-Hrauni sem fangelsismálastjóri segir ömurlega. Til stendur að reisa nýtt fangelsi við hliðina á því gamla og gera ýmsar úrbætur í fangelsismálum.

Einnig verður farið yfir sláandi tölur um aukna vímuefnaneyslu og drykkju ungmenna auk þess sem við hittum nöfnu Svandísar Svavarsdóttur sem býr í fjósi í Skagafirði og verðum í beinni frá Hvaleyrarvatni þar sem svokölluð hamingjuganga fer fram í kvöld.

Þetta og margt fleira á samtengdum rásum Bylgjunnar og Stöðvar 2 klukkan 18:30.