Verð lyfseðilsskyldra lyfja hækkar um mánaðamót

Þetta kemur fram í tilkynningu á vef Lyfjastofnunar. Álagningin er mest á lyf sem kosta að fimm þúsund krónum hjá heildsölu en lækkar eftir því sem verðið hækkar í heildsölu. 

Sem dæmi mun lyf sem kostar 1.300 krónur í heildsölu og kostar 3.339 krónur í smásölu kosta 3.399 krónur eftir 1. október. Þannig nemur hækkunin 60 krónum, eða 1,8 prósenti. 

Lyf sem kostar 7.000 krónur í heildsölu, og kostar 11.574 krónur í smásölu í dag, mun kosta 11.698 krónur í október. Nemur hækkun verðs þannig 124 krónum eða tæplega 1,1 prósenti.