Var kvíðinn krakki en fann köllun sína þegar hann sá School of Rock

Óskar Logi er einn reynslu­mesti rokkari landsins og hefur verið for­sprakki hljóm­sveitarinnar Vinta­ge Caravan síðan hann var í grunnskóla á Álftanesinu árið 2006. Þá var Óskar Logi tólf ára gamall en síðan þá hefur sveitin stigið á stokk í hundruð landa og á fjölda að­dá­enda um heim allan.

Við­tal við Óskar Loga mun birtast í heild sinni á morgun á Vísi. Í þættinum ræðir Óskar barn­æskuna, hvernig það er að vera stór­stjarna í út­löndum en einnig svip­legt frá­fall eldri bróður hans sem haft hefur mikil á­hrif á hann.

Hér má sjá stutt brot úr þættinum.

Hélt að allir myndu gleyma sér

„Ég hélt bara að allir myndu gleyma mér. Ég hélt að pabbi yrði bara eitt­hvað: „Við ætlum ekki að ná í hann í dag í skólann. Við erum búin að gleyma honum,“ segir Óskar léttur í bragði.

„Ég var svona þangað til í 3. eða 4. bekk. Ég var bara stress­bolti. Ég var eini krakkinn sem mátti vera með síma. Þá gat ég hringt og spurt: Manstu eftir mér?“

Óskar segir kvíðann hins vegar skyndi­lega hafa horfið. Hann hafi skyndi­lega orðið gríðar­lega sjálf­stæður.

„Stuttu eftir það sá ég School of Rock. Þá var ég bara: Þetta er mín köllun. Þá vissi ég það bara. Ókei, ef þessir krakkar geta þetta, þá get ég þetta líka!“

Við­talið við Óskar Loga í Einka­lífinu birtist í heild sinni á Vísi á morgun. Einnig verður hægt að hlusta á þáttinn í hlað­varps­formi á helstu streymis­veitum.