Beck­ham hug­hreysti Maguire á erfiðri stundu: „Það snerti við mér“

Maguire hefur mátt þola mikið að­kast inn á fót­bolta­vellinum og hefur það jafn­vel gengið svo langt að stuðnings­menn enska lands­liðsins hafa baulað á hann. Í síðasta lands­liðs­verk­efni, í æfinga­leik gegn Skot­landi, hæddust þeir svo að honum að tekið var eftir.

Undan­farnir mánuðir hafa svo sannar­lega verið krefjandi fyrir þennan leik­mann enska lands­liðsins og Manchester United en á blaða­manna­fundi, fyrir komandi verk­efni enska lands­liðsins, greindi Maguire frá því hvernig enska fót­bolta­goð­sögnin David Beck­ham, hug­hreysti hann eftir leikinn gegn Skotum fyrir nokkrum vikum síðan.

„Hann setti sig í sam­band við mig, það var virki­lega vel gert af honum," sagði Maguire er hann greindi frá því að Beck­ham hefði hug­hreyst sig. „Það skpti mig öllu máli. Á mínum yngri árum leit ég mikið upp til hans. Hann var mér fyrir­mynd og þetta sýnir bara hversu mikill klassi býr í honum.“

Beck­ham þekkir það vel á eigin skinni að finna fyrir reiði sam­landa sinna í tengslum við enska lands­liðið. Eftir að hann var rekinn af velli í 16-liða úr­slitum HM 1998 gegn Argentínu, þurfti Beck­ham að þola mikið og langt að­kast líkt og sést í nýjum heimildar­þáttum um feril hans á streymis­veitu Net­flix.

„Hann hefur verið í þessari stöðu sem ég hef fundið mig í upp á síð­kastið. Ég horfði á þessa heimildar­þætti og trúði ekki mínum eigin augum þegar að ég sá hvað hann þurfti að ganga í gegnum á þessum tíma.

Gary N­evil­le (liðs­fé­lagi og vinur Beck­ham á þeim tíma) talar um það hversu mikilli þraut­seigju Beck­ham býr yfir sem ein­stak­lingur og þá var gott að heyra hlið Beck­ham á þessu öllu saman.“

En hvað sagði Beck­ham við Maguire þegar að hann setti sig í sam­band við kappann?

„Hann minnti mig á þann feril sem ég hef átt til dagsins í dag. Stóru stundirnar á mínum ferli. Það snerti við mér. Þegar að maður er að ganga í gegnum erfiða tíma. Þá verður maður að minna sig á þessar góðu og stóru stundir sem maður hefur upp­lifað. Hvert maður er kominn á sínum ferli, það sem maður hefur gengið í gegnum.“